Can de Palleiro

Sobre o logo | Páxinas novas XML | Subscribete con Bloglines | Quen somos | busca artigos

Trasfondo político e social

Galiza ven de sufrir unha serie de catástrofes naturais que depredaron fortemente a súa riqueza forestal e marítima. Tendo en conta que o mar e o monte son, xunto coa fala, a faciana da nosa cultura, os incendios e máis os vertidos constitúen un atentado directo á idiosincrasia galega. De seguirmos así, estarémonos a achegar, sen dúbida, cara unha inminente desaparición da nosa identidade como pobo.

Perante estes acontecementos, a cidadanía galega sentiuse abandonada polas institucións e manifestouse, organizouse e protestou; nunha resposta social sen precedentes. A clase política, mentres tanto, eludía a propia responsabilidade, inoperancia e imprevisión, alegando accidentes inevitables ou a existencia de hipotéticas conspiracións.

A Iniciativa "Can de Palleiro"

Neste marco social e político materialízase a iniciativa “can de palleiro”. Unha proposta ideada por científicos, artistas e emigrantes galegos, coma un espazo para o pensamento crítico construtivo, para a reflexión e denuncia da situación de Galiza.

A iniciativa Can de Palleiro é independente e está desvinculada de toda agrupación política, pero sitúase nas antípodas ideolóxicas do caciquismo e de correntes conservadoras. A iniciativa ten un formato indefinido e aberto a toda forma de expresión cultural, baseada na colaboración, na discusión e na difusión de ideas e proxectos.

Declaración de intencións

A iniciativa "Can de Palleiro" é a canle independente de expresión dunha emerxente xeración de galegos, protagonistas dun cambio social catalizado polos desastres do Prestige e do verán negro do 2006. Unha nova xuventude galega esperta, farta de conformismos e do asoballamento caciquil medieval.

É a materialización dun berro colectivo en contra dos asasinos da terra e dos depredadores do mar. A Iniciativa "Can de Palleiro" pretende soterrar á Galiza vella e submisa baixo a cinsa e o chapapote do que é a responsable.

A iniciativa "Can de Palleiro" é un espazo aberto para reclamar, protestar e denunciar actividades que atenten contra Galiza: o seu ecosistema, cultura e tradición. É tamén un lugar para a análise, a discusión e proposta de solucións e mais liñas de actuación alternativas. É tamén, sobre todo, un espazo para unha moi necesaria autocrítica.

Cómo participar

A iniciativa ten unha filosofia "WIKI", o que significa que calqueira pode rexistrarse, participar e expresarse.

Os artigos creanse como resultado da colaboración,

Podese colaborar editando as páxinas existentes e tamen comezar liñas de discusión novas.

Existen tamén liñas abertas de discusión para os

Todos os textos e imaxes que se consideren ofensivos e falten ó respeito das persoas seran inmediatamente borrados e eos seus responsables bloquedos. Cando se cite ou expoña información en contra dun particular, facilitarase un enlace a fonte orixinal da información, a ser posible que sexa dun medio de información contrastado.

  Estou traballando nisto (David)

Liñas abertas

Prestige

Lume

Universidade

Caciques

Rexistro de Emigrantes Galegos

Membros

  Se queres formar parte e colaborar, escribe a: candepalleiro "arroba" googlegroups.com

• David Gómez Míguez, Xinzo de Limia.

Doutor en Física pola Universidade de Santiago de Compostela.

Na actualidade, científico en Harvard University, Boston, Massachussets. [1]

• Manuel A. Perez Torres, Pobra do Caramiñal

Doutor en Física pola Cort University, UK.

Na actualidade, científico en Harvard University, Boston, Massachussets. [2]

• Alejandro L. Nieto Gonzalez, Vigo.

Licenciado en Física pola Universidade de Santiago de Compostela.

Na actualidade, admistrador de sistemas en Washington DC.

• Miguel Alonso Alonso, Ferrol.

Licenciado en Mediciña pola Universidade de Santiago de Compostela.

Na actualidade, científico en Harvard University, Boston, Massachussets. [3]

• David Soto, Fene.

Doutor en Psicoloxía pola Universidade de Santiago de Compostela.

Na actualidade, científico en Birmingham University, UK. [4]

• Gustavo Grandal, Fene.

Licenciado en Historia da Arte pola Universidade de Santiago de Compostela.

Na actualidade, bibliotecario en London University, UK. [5]